O
vindeiro día 3 de outubro comeza a campaña das eleccións que
Galicia celebra o 21 do mesmo mes para renovar a Cámara Lexislativa
Autonómica. Os comicios preséntanse con grandes incógnitas polo
que respecta aos resultados, pois as condicións económicas, sociais
e políticas son na actualidade radicalmente distintas a calquera das
anteriores convocatorias ás urnas.
A
grandes trazos, a situación pode sintetizarse así:
-A
formación política maioritaria en Galicia e que gobernou nestes
últimos anos, o PP, preséntase aos cidadáns cunha bagaxe escasa de
xestión, e co lastre de ser o mesmo partido que dende o Goberno do
Estado está a aplicar fortes recortes sociais e a aumentar as cargas
impositivas. Co paro desbocado, o país a piques dun rescate, a suba
do IVE, o copagamento de medicinas e a reducción de orzamentos na
sanidade e na educación, hai demasiados colectivos agraviados e
presumiblemente reducirase o apoio á forza encabezada en Galicia por
Alberto Núñez Feijóo. O gran problema histórico dos 'populares' é
que non teñen aliados naturais para poder formar una maioría de
goberno, dependen da obtención nas urnas dunha maioría absoluta
sempre cara de acadar.
-O
PSdeG-PSOE, tradicionalmente a segunda forza política en Galicia,
enfróntase ao reto de frear a caída de votos que experimenta en
toda España nas últimas convocatorias electorais a consecuencia da
xestión de José Luis Rodríguez Zapatero no Goberno do Estado.
Aínda por riba, agromaron diferenzas internas importantes no proceso
de elaboración das candidaturas.
-O
nacionalismo, un espazo ocupado nas últimas década en cuasi
monopolio polo BNG, desta vez será un terreo especialmente competido
por ata tres formacións nacidas de escicións do propio BNG. Unha
delas concorre aos comicios en coalición con Esquerda Unida, unha
opción que experimentou un apoio apreciable nas eleccións xerais de
finais do pasado ano.
-Hai
outros dous partidos que teñen posibilidades de obter escanos (UpyD
e a Sociedade Civil e Democracia de Mario Conde). Isto podería levar
a unha fragmentación do Parlamento autonómico sen precedentes nos
últimos anos.
UN
DEBATE OPORTUNO
Visto
o contexto no que se desenvolverá o proceso electoral, parece
oportuno desenvolver na aula un debate que sirva para analizar en
profundidade os puntos fortes e febles das distintas opcións
políticas. Cómpre ter en conta que todo o alumnado estamos por riba
dos 18 anos, e polo tanto somos cidadáns con dereito ao voto.
Parece
tamén oportuno este debate entre alumnos da asignatura de
Documentación Informativa, por ser unha boa ocasión de facer unha
práctica amena e útil de busca e elaboración de información.
PROPOSTA
Para
buscar a implicación e participación de todo o alumnado, a proposta
que se presenta avoga pola división do curso (cen estudantes,
aproximadamente) en oito grupos de 10-12 persoas.
Os
grupos farían os seguintes papeis:
1-
Moderadores
2-
Partido Popular
3-
PSdeG-PSOE
4-
BNG
5-
Alternativa Galega de Esquerda
6-
Compromiso por Galiza
7-
Unión Progreso y Democracia
8-
Sociedad Civil y Democracia
Cada
grupo que traballará sobre una opción política terá que
documentarse sobre os puntos fortes e febles da formación que
podemos chamar propia, e sobre os puntos fortes e febles dos rivais.
O labor podería facerse mediante unha división do traballo a nivel
indivisual, e hai suficiente materia para que todos teñan que
implicarse. Cada estudante elaborará unhas fichas resumo da parte
que lle corresponda, que serían as que manexaría o voceiro ou
voceira do grupo que elixan internamente para participar no debate.
O
grupo de moderadores/as tería que asumir o traballo de concrección
dos puntos nos que centrarían o debate. Tamén farían busca de
información, no seu caso para determinar as cuestións de máis
interese, para vestir con datos contrastados a presentación dos
temas a tocar, e para saber se os representantes das candidaturas
están a manexar datos reais.
No hay comentarios:
Publicar un comentario
Comentar es gratis: